Dan nakon masakra u noćnom klubu u Istanbulu za koji je odgovornost preuzeo ISIS, ruska i turska vojska u odvojenim operacijama gađale su više od 100 položaja džihadista te grupe u Siriji.
Turska je gađala položaje ISIS-a na sjeveru Sirije, a turski mediji prenose da je u tim napadima poginulo 22 propadnika ISIS-a.
Turska vojna operacija “Štit Eufrata” počela je prije četiri mjeseca, a cilj turske armije je da odvrate džihadiste od tursko-sirijske granice i zaustave napredovanje kurdskih snaga. Istovremeno, od kako je Turska počela vojnu operaciju tako je i povećan broj napada džihadista na turskom tlu, od koji je najsmrtonosniji bio upravo posljednji u Istanbulu.
ISIS je zvanično preuzeo odgovornost za napad u klubu “Reina” u novogodišnjoj noći saopštenjem koje je prenela agencija Amak, inače bliska džihadistima.
– Napad je izveo herojski vojnik kalifata koji je napao jedan od najpoznatijih noćnih klubova u kojem hrišćani slave njihov bogohulni praznik – stoji u saopštenju ISIS-a u kome se opisuju i detalji napada i dodaje da je masakr izveden u ime osvete i po naređenju Abu Bakra al Bagdadija.
