Anhel Di Marija (Angel) vratio se na Old Traford kao igrač PSG-a. Prije četiri godine pobjegao je u Francusku iz Mančester junajteda, gdje se nikako nije snalazio, a sinoć je bio junak Parižana.
Upisao je dvije asistencije u pobjedi PSG-a 2:0 u osmini finala Lige prvaka. Pritom je gotovo stradao poslije žestokog duela s Ešlijem Jangom (Ashley Young), a Old Traford je razljutio potezom kada je s travnjaka uzeo flašu piva i “potegao”.
Na njega je jedan očajni navijač Junajteda bacio staklenu flašu piva. Di Marija je sjajno reagirao, uzeo ju je, “potegao” i nazdravio s navijačima, što je ove veoma razbjesnilo.
Nešto ranije, u 40. minuti, Jang je pretjerao u duelu s Di Marijom i gotovo ga odbacio skroz do tribina.
