Jedan od najvećih napadača svih vremena Zlatan Ibrahimović i u poznim godinama oduševljava na zelenim terenima.
Nedavno je postigao 500. gol u karijeri u dresu Los Anđeles Galaksija.
Za medije je i otkrio koja će biti njegova naredna destinacija, odnosno klub u kojem će završiti svoju superbogatu karijeru.
– Dobio sam ponudu od kluba u kome sam počeo karijeru. Žele da je tamo i završim. Priznajem, i ja to želim. Na kraju krajeva, jedino u karijeri što nisam uradio – nisam s njima osvojio trofej – kaže Ibrahimović.
Ibra je karijeru počeo u Malmeu, gdje će se izgleda vratiti, iako je takva odluka iznenađujuća za mnoge.
Put ga je dalje vodio u Ajaks, Juventus, Inter, Barselonu, Milan, PSG, Mančester junajted i na kraju Galaksi.
Zlatan Ibrahimović će 3. oktobra napuniti 37 godina.
