Žitelji u okolini grada Belokurika u Altajskoj oblasti pronašli su mladića koji je rekao vlastima da je rođen 1993, a da je u šumi živio 16 godina sa roditeljima, koji su 1997. odlučili da se povuku iz društva i žive u kolibi.
Priča o mladiću starom 20 godina, koji je odrastao u jednoj šumi u Sibiru, a koga su ruske vlasti nedavno pronašle, preplavila je ruske medije koji pišu o neobičnom životu “dječaka iz šume”, “sibirskog Moglija”.
Žitelji u okolini grada Belokurika u Altajskoj oblasti pronašli su mladića koji je rekao vlastima da je rođen 1993, a da je u šumi živio 16 godina sa roditeljima, koji su 1997. odlučili da se povuku iz društva i žive u kolibi, javio je AFP.
Roditelji su napustili mladića u maju, a on se, po isteku toplih ljetnih dana, uplašio kako će sam provesti zimu u šumi, pa je odlučio da zatraži pomoć u obližnjem selu.
Jedna žena ga je zatim odvela do suda da bi od vlasti tražila da mu pomognu, a mladić se nakon toga vratio u svoje “skrovište” u šumi na jugu Sibira.
Lokalno tužilaštvo zatražilo je od suda da mladiću obezbijedi lična dokumenta da bi mogao da traži pomoć od države.
– Nisam siguran da mu je potrebna sva ta pažnja. Izgleda normalno i zdravo, samo sporo govori, jer nije komunicirao tako često kao većina ljudi – rekao je tužilac Roman Fomin.
